Geirfugl

Einkaflugnám

Einkaflugnám

Geirfugl kennir til einkaflugmannsprófs (e. Private Pilot Licence, PPL) sem veitir alþjóðleg réttindi til að starfrækja smærri loftför.

11206091_10153267871002897_5794948055699210480_n.jpg

Allir eru velkomnir

Allir sem vilja geta orðið flugmenn. Námsefnið er einfalt og aðgengilegt og geta allir sem metnað hafa til lokið námi. Engin krafa er gerð um fyrri þekkingu eða færni.

Nemendur þurfa að hafa náð 16 ára aldri til að hefja nám.

thordur.jpg

Fyrsta skref til atvinnuflugs

Einkaflugmannspróf er fyrsta skref flugmanna sem ætla sér að læra atvinnuflug. Kjörið er að ljúka einkaflugmannsprófi hjá Geirfugli og halda svo áfram inn á námsbrautir atvinnuflugs hérlendis eða erlendis.

Útskrifaðir nemendur starfa sem flugmenn og flugstjórar um allan heim hjá félögum á borð við Icelandair, WOW air, Air Atlanta, Flugfélagi Íslands, Flugfélaginu Erni, Cargolux, Ryanair og svo mætti áfram telja..

atli.jpg

Bóklegur hluti

Bóklegt námskeið tekur 10 vikur og er kennt á kvöldin frá 18-22. Námsefnið er fjölbreytt og telur níu ólík fög; allt frá veðurfræði og vélfræði til heilbrigðisfræði og siglingafræði. Við bóklega námið nota nemendur flugreiknistokk, svonefndan plotter auk bóka en þessir hlutir eru innifaldir í námskeiðinu.

Bóklegu námskeiði lýkur með bóklegum prófum hjá Geirfugli og í framhaldinu bóklegum prófum hjá flugmálayfirvöldum. Prófin eru úr sama námsefni.

 
 

Verklegur hluti

Verklegi hluti námsins er jafnframt sá skemmtilegasti. Þú ræður hvenær þú tekur verklega hlutann en best er að byrja á því að fljúga með kennara nokkuð ört og ljúka einflugsprófi (Solo) sem tekur venjulega 12-15 flugtíma og skrá sig svo á bóklegt námskeið og klára verklegt nám samhliða eða á eftir námskeiðinu. Með því móti tengir þú vel saman það sem kennt er á námskeiðinu við framkvæmd þess um borð í flugvél.  Alls er verklegur hluti 45 kennslutímar að lágmarki sem skiptast þannig; 

25 tímar með flugkennara í æfingum og yfirlandsflugi

10 tímar í einflugi (solo) í æfingum

5 einflugstímar (solo) í yfirlandsflugi

5 tímar undirbúningur fyrir færnipróf

Vettvangsferð um flugvöllinn

Við förum á hverju ári með nemendur í kynningarferð um völlinn þar sem við heimsækjum rekstraraðila, flugumferðarstjórn, flugklúbba og aðra aðila. Nemendur kynnast því umhverfi sínu vel, sjá betur fyrir sér hvað er að gerast í flugturni og hafa betri tilfinningu fyrir því hverju megi við búast á Reykjavíkurflugvelli meðan á verklegu námi stendur.

ÚTskrift

Þegar þú hefur lokið bóklegu og verklegu námi er komið að útskrift úr flugskóla Geirfugls. Að útskrift lokinni ert þú orðinn flugmaður og getur flogið með vini og vandamenn hvert á land sem er.

Geirfugl býður nemendur velkomna í flugklúbb félagsins þar sem félagsmenn hafa aðgang að sjö flugvélum og annarri aðstöðu.


Góð fjárfesting

Við leggjum áherslu á að bjóða nemendum bestu kjör sem finnast á markaði á hverjum tíma. Við kennum á Reykjavíkurvelli og lágmörkum þannig ferðakostnað flugnema.

 

Verð 2016

Geirfugl býður flugnám á mjög samkeppnishæfu verði þar sem nemendur fá ekki aðeins flugpróf að námi loknu heldur náin tengsl við grasrót flugsins.

    Bóklegt námskeið: 225.000 kr. (bækur o.fl. innifalið)
    Flugtími í verklegt: 22.400 kr/klst
    Flugkennari í verklegt: 6.600 kr/klst

Athugið að flugtímar eru seldir eftir því sem námi vindur fram og getur verð þeirra breyst.
 

Sýnidæmi

Það fer eftir fólki hversu marga flugtíma hver og einn þarf til að ljúka námi. Lágmarksfjöldi samkvæmt reglum er 45 tímar. Hér má sjá heildarkostnað við flugnám í því tilviki:

Bóklegt námskeið: 225.000 kr.
Flugvél, 45 flugtímar: 1.008.000 kr.
Kennari, 45 tímar: 297.000 kr.
Samtals: 1.530.000 kr.

Gjöld hjá flugmálayfirvöldum fyrir útgáfu skírteina, próftöku, o.fl. bætast við ofangreinda tölu.

Verð á mánuði

Þó að hægt sé að ljúka námskeiðinu á mjög skömmum tíma þá er algengast að nemendur sem taka námskeiðið á sínum hraða séu um 12 mánuði að ljúka öllu því sem til þarf. 
 
Í þeim tilvikum er meðalverð á mánuði 127.500 kr.

 

Fjármögnun

Bankar bjóða flugnemum að fjármagna námið hjá Geirfugli hvort sem haldið er áfram í atvinnuflugsnám eða ekki.

Styrkir

Mörg stéttarfélög hafa styrkt félagsmenn til náms og fellur námið í Geirfugli þar undir.

Prófið gildir út ævina

Þeir sem ljúka einkaflugmannsprófi fá skírteini sem gildir út ævina. Viðhalda þarf áritunum í skírteini eins og reglur kveða á um á hverjum tíma.

EININGAR METNAR TIL STÚDENTSPRÓFS

Flestir framhaldsskólar meta bóklegt nám til einkaflugmanns til eininga til stúdentsprófs.  Fjöldi eininga er misjafn eftir skólum en allt að 20 einingar hafa fengist metnar skv. síðustu upplýsingum.  Það er skynsamlegt að kynna sér málið í þínum skóla.